Día sen bolsas de plástico

Greenpeace celebra hoxe, o «Día sen Bolsas de Plástico» en 21 cidades do país, entre elas varias galegas, unha iniciativa para substituír o uso destas bolsas por outras de papel ou de tea.

Para logralo, os grupos de voluntariado da organización ecoloxista contactaron a máis de 175 comercios e instalarán mesas informativas próximas aos núcleos comerciais de cada cidade para realizar o intercambio de bolsas.

A medida forma parte dunha campaña para fomentar o consumo responsable durante as festas do Nadal na que, a través da páxina web de Greenpeace, unha «cadea de trasgos» orienta aos internautas sobre como exercer este consumo.

O «Día sen Bolsas de Plástico» celebrarase, entre outras, nas cidades de Albacete, Toledo, Xirona, Almería, Murcia, Pontevedra, Sevilla, Selecta, A Coruña, Madrid, Málaga, Valencia, Valladolid e Zaragoza.
En España, cada persoa utiliza unha media de 238 bolsas comerciais de plástico ao ano, o que supón case 100.000 toneladas de lixo dun produto derivado do petróleo, non biodegradable e moi tóxico.

Por iso, a mellor forma de reducir o impacto ambiental, segundo os ecoloxistas, é evitar a utilización de bolsa dun só uso, aínda que estas sexan de papel.

Os comercios colaboradores coa campaña recollerán unha achega simbólica por cada bolsa que repartan que servirá para financiar un proxecto de conservación dos bosques en Sudamérica.