Os alumnos da Escola de Música tocaron nunha nova audición

A Escola de Música do Porriño organizou este pequeno concerto o pasado 10, no que participaron varios alumnos tocando varios instrumentos

Celebrado no Círculo Recreativo Cultural (centro onde se farán todas as audicións e festivais, a partir de agora, da Escola de Música) o pasado 10 de decembro, o concerto, organizado polos profesores da Escola, tivo algúns dos alumnos executando pezas novas, como: "Son of the wind", tocado por Helena González (Violín) e a profesora, que tamén tocou con Elena Fernández "Swiss Serenade". Tambíen, o dúo Marta Bastos e Paula Herrero tocaron "Danza do Polichinela" e "Sostenuto", as dous populares. Esta última, Paula Herrero, a continuación, tocou o "Concerto en Sol M 1º Movemento" de Vivaldi, acompañado de Carlos González ao piano.

En canto a guitarra: Javier Santamaría tocou "Cabriñas", no seu primeiro concerto, e Alejandro Alonso "Cu-Cu"

Os pianistas Diego Santamaría e Adrián Piñeiro tocaron a dúo "En Plus" unha obra de Eric S. Tamén, en pianistas, Elena Guisande tocou unha obra do profesor de piano e director da Escola Carlos González, titulada "O novo Vals"

Festival de Nadal, o próximo 18 de decembro

Aproveitamos para contarlles que o próximo 18 de decembro ás 19:30, no Círculo Recreativo Cultural do Porriño, a Escola de Música ten a honra de presentarlles o "Festival de Nadal", onde actuarán, desde os máis pequenos ata os máis maiores